6 կաթիլ արտասահմանյան գրականությունից
Սա պատմական մանրապատումներից բաղկացած շարք է: Ամեն պատմվածք նվիրված էորևէ կարևոր կամ շրջադարձային իրադարձության, որն ինչ-որ չափով ազդել էպատմության հետագա ընթացքի վրա:
Երկամյա ամուսնական կյանքից հետո սկսնակ սցենարիստ Ռիկարդոյի և Էմիլիայիհարաբերությունները սկսում են սառչել: Կինը սկսում է արհամարհել ամուսնուն՝պատճառաբանելով, որ նա «իսկական տղամարդ» չէ: Ռիկարդոյին մնում է պարզելԷմիլիայի վերաբերմունքի պատճառը, բայց հետագա քայլերով նա միգուցե ավելիխորացնի երկուսի միջև գոյացած անդունդը:
Ռուսական հեղափոխությունների, քաղաքացիական կռիվների ու պատերազմի ֆոնի վրա արտացոլվում են ռուսական պատմության, մտավորականության, հասարակ ժողովրդի խնդիրները, որոնց կենտրոնում բժիշկ և բանաստեղծ Յուրի Ժիվագոն է՝ անվերջ կենսահաստատման ձգտող անձնավորություն: Վեպի համար Պաստեռնակն արժանացել է Նոբելյան մրցանակի:
Դաստիարակչական սիրավեպ համարվող այս հանրաճանաչ ստեղծագործությունը եվրոպական գրականության մեջ հոգեբանական ռեալիզմի վառ օրինակներից է: Ժյուլիեն Սորելը, ով հմուտ լատինագետ է և բացառիկ խելքի տեր երիտասարդ, հասարակգավառացու կարգավիճակից հասնում է մինչև Փարիզի բարձրաստիճան շրջանները՝մասնավորապես շնորհիվ ընդունակությունների ու աշխատասիրության:
«Քաոս». նշանավոր գործ կամ միջակություն
Ինչպես ասում են՝ շատ բան մի սպասիր, հետո չես հիասթափվի: Ես առանձնահատուկ բան չէի սպասում Շիրվանզադեի «Քաոսը» կարդալ սկսելուց առաջ, դա համարում էի զուտ պարտականություն, անհրաժեշտություն՝ համալսարան ընդունվելու նախաշեմին: Պարտադիր է, ուրեմն պահանջարկ չկա, ուրեմն չի ներկայացնում ոչ գովասանքի համընդհանուր առարկա, ոչ համաշխարհային արժեք: Ինչևէ, ծածկեցի այդ գիրքը, որի սյուժեն կառուցված էր երեք բանի վրա՝ չափազանցություն, անհեթեթություն, կերպարների հակադրություն՝ միակ բանը, որից կարելի էր ինչ-որ բան սովորել:
Անդրադառնամ հիմնական հերոսներին:
Ոսկեհատ Ալիմյանին երբևէ չտեսա սառնասիրտ, դատող ու խելացի կնոջ դերում: Նրա զենքն արցունքներն էին, դիմացինի մոտ խղճահարություն առաջացնելով՝ տպավորություն գործելն ու աղերսանք-պահանջն իրականություն դարձնելը:
Սմբատ Ալիմյանը տառապեց մինչև գրքի վերջին նախադասությունը: Ատելություն՝ կնոջ նկատմամբ, սեր՝ երկու որդիների, բայց չկան այնպիսի տեսարաններ, թե երեխաներն են Սմբատի կյանքի իմաստը կամ նրան գոնե հանգստություն ու մխիթարություն ներշնչողը: Հատկապես վերջին հատվածներում Սմբատի համար կտրուկ աճեց փողի նշանակությունը, իսկ ավելի բարդ ու խճճված պահերին նրան ընկերակից էին դառնում ռեստորանները, հյուրանոցները և խմիչքը, այլ ոչ թե երեխաները: «Կեղծ են բոլոր արյունակցական զգացումները, ինչպես կեղծ է առհասարակ մարդկային զգացումների 90%-ը: Միայն մի զգացում է արմատական, անկեղծ, բնածին և անջնջելի՝ եսասիրությունը»,- ասում էր Սմբատը և միաժամանակ՝ «չէր կարողանում» բաժանվել երեխաներից: Լավ, համարենք՝ իսկապես չէր կարողանում: Նկատենք, որ նույնիսկ կնոջից չբաժանվելու դեպքում նա չէր զրկվի ժառանգությունից, ուրեմն ի՞նչ է նշանակում ատել սեփական կնոջը, երբ նա փողոցային չէ, ինչպես Անուշ Ղուլամյանը, այլ կիրթ, զարգացած, առաքինի մայր: Սմբատն ուներ երկու տարբերակ, բայց հեղինակն ընտրեց երրորդը՝ Սմբատի մեջ դնելով դժբախտ լինելու երևակայական արմատները:
Անտոնինա Իվանովնան ճիշտ էր վարվում՝ որդիներին հեռու պահելով Ոսկեհատի բացասական ազդեցությունից, որովհետև հասկանում էր՝ այդ կինն էր մեղավոր իր երկու որդիների «փչացածության» համար, որովհետև ծնողների բացթողումները և անուշադրությունն էին Միքայելի ու Արշակի՝ այդ տեսակ կյանք վարելու պատճառը: Հարուստի կամ միջին դասի երեխա լինել-չլինելն այստեղ ընդհանրապես կապ չունի, իսկ ինքնագիտակցության մասին հիշատակելն անգամ ավելորդ է:
Մարթա Մարութխանյանի «Ո՞վ չունի մեր ժամանակներում սիրուհիներ: Եթե իմ մարդը, ինձ պես կին ունենալով, պահում է սիրուհիներ, ինչո՞ւ Արշակի պես ջահելը չպիտի պահի… Ժամանակիս սովորությունն է» խոսքերից հետո միայն կասեմ, որ կինն այսքան անինքնասեր չպիտի լինի:
Կարդալու ամբողջ ընթացքում թվում է, թե այդ մարդկանց շրջապատում իշխում են միայն ստորությունը, դավաճանությունը, խաբեությունը, անկայուն հարաբերությունները, իսկ վերջում անսպասելիորեն հրաշք է կատարվում. երեկվա շահա- և կնամոլ Միքայելը, ով թակարդներ էր լարում հարազատ եղբոր դեմ, չի դիմանում հասարակ աղջկա բարոյական զորությանն ու հպարտությանը, հիմնովին փոխում է ապրելակերպը, և այդ բթացած սիրտը սկսում է անկեղծորեն սիրել: Քաղաքական ռոմանտիզմը մեզ միշտ բնորոշ է եղել. գրական ռոմանտիզմը գոնե ներելի է:
Ստեֆան Ցվայգ. «Անծանոթ կնոջ նամակը»